Azamattyq bastamalardy qoldaýǵa arnalǵan shaǵyn granttar baıqaýyna 520 ótinim tústi
ASTANA. KAZINFORM - Qazaqstanda azamattyq bastamalardy damytýǵa baǵyttalǵan 1 000 000 teńge kólemindegi shaǵyn granttar baıqaýyna ótinim qabyldaý kezeńi aıaqtaldy, dep habarlaıdy QR Mádenıet jáne aqparat mınıstrliginiń baspasóz qyzmeti.
Baspasóz qyzmetiniń málimetterine qaraǵanda, bıyl baıqaýǵa segiz baǵyt boıynsha barlyǵy 520 ótinim tústi. Qatysýshylardyń basym bóligi tarıh pen mádenıet salasyndaǵy volonterlik (103), áleýmettik (102) jáne ekologııalyq volonterlikti damytý (76) baǵyttaryn tańdaǵan.
Sonymen qatar medıtsına, zoovolonterlik, tótenshe jaǵdaı, ınklıýzıvti qoǵam jáne aýyldyq jerlerdegi azamattyq bastamalardy damytýǵa arnalǵan jobalar usynyldy.
2025 jylmen salystyrǵanda, medıtsına, tótenshe jaǵdaı salasyndaǵy jáne áleýmettik volonterlik boıynsha belsendilik artqany baıqalady.
Qazirgi ýaqytta kelip túsken jobalardy saraptaý kezeńi bastaldy. Táýelsiz sarapshylardyń sheshimimen eń úzdik jobalar iriktelip, qarjylaı qoldaýǵa ıe bolady.
Baıqaý qorytyndysy myna saıtta jarııalanady.
Osyǵan deıin aýyldyq jerlerde azamattyq bastamalardy qoldaý tetigi ázirlenip jatqany týraly jazdyq.
