Avıatsııa salasyn 2050 jylǵa deıin damytýdyń strategııalyq bas jospary ázirlenedi
ASTANA. KAZINFORM – Halyqaralyq azamattyq avıatsııa uıymy (IKAO) Qazaqstannyń azamattyq avıatsııa salasyn 2050 jylǵa deıin damytýdyń strategııalyq bas josparyn ázirleıdi.
Kólik mınıstrligi men Halyqaralyq azamattyq avıatsııa uıymy (IKAO) 2025 jylǵy 10-12 aqpanda Ábý-Dabı qalasynda ótip jatqan IKAO-nyń 2025 jyly engizýdi jahandyq qoldaý jónindegi Jahandyq sımpozıým sheńberinde (GISS-2025, Global Implementation Support Symposium) Qazaqstannyń azamattyq avıatsııa salasyn damytýdyń 2050 jylǵa deıingi strategııalyq master-josparyn ázirleý jónindegi tıisti qujatqa qol qoıdy.
Eldiń azamattyq avıatsııa salasyn damytýdyń bas jospary Qazaqstannyń azamattyq avıatsııa salasyn odan ári josparlaýdyń keshendi strategııasy men algorıtmin ázirleýge múmkindik beredi, onda áýejaılardy, aeronavıgatsııany, áýekompanııalardy damytý, ushý qaýipsizdigi men avıatsııalyq qaýipsizdik deńgeıin arttyrý, áýe kóliginiń qoljetimdiligi men yryqtandyrýy jáne taǵy basqa qarastyrylǵan, - delingen Azamattyq avıatsııa habarlamada.
Aıta ketý kerek, IKAO eń bilikti sarapshylarǵa ıe jáne IKAO-ǵa múshe memleketterdiń damý strategııalaryn ázirleýde moıyndalǵan kóshbasshy.
Qazaqstan Ortalyq Azııa men TMD keńistiginde tranzıttik-kóliktik áleýetti damytý jáne Qazaqstandy iri baılanystyrýshy óńirlik avıatsııalyq habqa aınaldyrý jónindegi ulttyq mindetterge sáıkes Qazaqstannyń avıatsııalyq sektoryn turaqty damytý, jańǵyrtý jáne tıimdi paıdalaný kózqarasyn jáne IKAO-men strategııalyq yntymaqtastyq ornatqan birinshi memleket bolǵanyn erekshe atap ótken jón.
Qazaqstandyq taraptyń atynan kelisimge Kólik vıtse-mınıstri Talǵat Lastaev, al IKAO atynan Uıymnyń bas hatshysy Hýan Karlos Salazar qol qoıdy.
Qol qoıý rásimine sondaı-aq IKAO Keńesiniń Prezıdenti Salvatore Shakkıtano myrza jáne Qazaqstan Respýblıkasynyń IKAO janyndaǵy Turaqty ókili Tımýr Tilegenov myrza qatysty.
Eske salsaq Azamattyq avıatsııa akademııasyna erekshe mártebe beriletinin, sondaı-aq elimizde azamattyq avıatsııany damytý strategııasy qashan qurylatyny týraly jazǵan edik.
Sonymen qatar Nurtóre Júsip óziniń depýtattyq saýalynda Úkimetke azamattyq avıatsııanyń negizgi problemalaryna erekshe nazar aýdarýdy usynǵan edi.
Qazaqstannyń avıatsııalyq ákimshiligine nege kil sheteldik mamandar basshy bolatynyn da jazǵan edik.
Ortalyq Azııada alǵash ret azamattyq avıatsııanyń óńirlik uıymy quryldy.