Azamattarymyz tap bolatyn qarapaıym túıtkildi nazardan tys qaldyrý durys emes - Toqaev

BÝRABAI. KAZINFORM – Barlyq saladaǵy reformalar men ózgerister salyqtyń tilegine saı jasalyp jatyr. Bul týraly Ulttyq quryltaıdyń IV otyrysynda Memleket basshysy Qasym-Jomart Toqaev aıtty.

- Jalpy quryltaı músheleri qoǵamdaǵy ózekti máselelerdi únemi kóterip júr. Bárin synap-minep otyratyn bázbireýler basty túıtkil – bul emes, memleket nazar aýdarýǵa tıis basqa da problemalar bar deýi múmkin. Azamattarymyz kúndelikti tirshilikte kóptegen qarapaıym túıtkilge tap bolady. Ony elemeı, nazardan tys qaldyrý durys emes ekenin eskergen jón. Biz azamattardyń turmysyna qatysty máselelerdi aldaǵy ýaqytta da kóteremiz, eń bastysy, bul problemalardy sheshetin bolamyz, - dedi Prezıdent.

Memleket basshysy birtindep barlyq salada aýqymdy reformalar men naqty ózgerister júzege asyrylyp jatqanyna nazar aýdartty. 

- Onyń bári halyqtyń tilegi men zamannyń talabyna saı jasalýda. Bul jerdegi túpki maqsat – barlyǵyn ózgertý emes. Eń bastysy – atqarylyp jatqan sharýany ońtaılandyryp, onyń tıimdiligin arttyrý. Aldymyzda turǵan negizgi mindettiń biri – jekelegen baǵyttar boıynsha memlekettik apparattyń jumysyn júıelep, retke keltirý, - dedi Qasym-Jomart Toqaev.

Buǵan deıin Memleket basshysy qazaqtyń bolmysyna jat ıdeologııalarǵa tosqaýyl qoıý qajettigin aıtqan edi.