Azamattarǵa salyqtyq raqymshylyq jasaýdy kózdeıtin zań 16 shildede kúshine enedi

NUR-SULTAN. QazAqparat -Azamattarǵa salyqtyq raqymshylyq jasaýdy kózdeıtin zań osy jyldyń 16 shildesinde kúshine enedi. Bul týraly búgin Úkimet úıindegi baspasóz máslıhatynda QR Qarjy vıtse-mınıstri Qanat Baıedilov aıtty, dep habarlaıdy QazAqparat tilshisi.

«Tuńǵysh Prezıdent - Elbasy jeke tulǵalar ózderiniń salyqtary boıynsha boryshynyń negizgi somasyn tólegen jaǵdaıda ósimpuldardy esepten shyǵaryp, olar úshin salyqtyq raqymshylyq júrgizýdi Úkimetke tapsyrǵanyn barlyǵyńyz bilesizder. Búgingi tańda salyqtyq raqymshylyq júrgizýdi kózdeıtin tıisti zańdarǵa Memleket basshysy qol qoıdy jáne ol 5 shildede resmı jarııalandy. ıAǵnı, 16 shildeden bastap qoldanysqa engiziledi», - dedi vıtse-mınıstr.

Qanat Baıedilovtiń aıtýynsha, salyqtyq raqymshylyq júrgizý qaǵıdalary Qarjy mınıstrliginiń buıryǵymen bekitiletin bolady jáne jaqyn arada barlyq aýmaqtyq memlekettik kirister departamentteriniń nazaryna jetkiziledi.