Azamattarǵa referendým ýchaskesi ornalasqan úı-jaıǵa ýaqytsha tirkelý múmkindigi beriledi
ASTANA. KAZINFORM — Konstıtýtsııa jobasy boıynsha referendým kúni esh jerde tirkelmegen azamattarǵa daýys berý ýchaskesi ornalasqan úı-jaıǵa ýaqytsha tirkelý múmkindigi beriledi. Bul týraly Ortalyq referendým komıssııasy tóraǵasynyń orynbasary Muhtar Erman aıtty.
— Turaqty tirkelgen jerinen alynyp tastalǵan nemese esh jerde tirkeýde bolmaǵan azamattardyń saılaý quqyqtaryn iske asyrý maqsatynda azamattarǵa daýys berý kúni ýchaske ornalasqan úı-jaıda ýaqytsha tirkelý múmkindigi beriledi jáne bul tek qana daýys berý kúni úshin, — dedi Muhtar Erman komıssııa otyrysynda.
Onyń aıtýynsha, ýchaskelik referendým komıssııalarynyń músheleri eGov portaly arqyly azamattyń jazbasha ótinishi boıynsha ony azamattar tizimine engizý úshin turaqty tirkelgen jeri týraly aqparatty alady.
— Ótinish berýshiniń tıisti referendým ýchaskesiniń aýmaǵynda turaqty tirkelgen jeri týraly málimet rastalǵan jaǵdaıda komıssııa ony saılaýshylar tizimine engizý sheshimin qabyldaıdy. Eger málimet rastalmasa, azamattar tizimine engizýden bas tartý týraly negizdelgen sheshim qabyldap, onyń kóshirmesin ótinish berýge tabystaıdy, — dedi tóraǵa orynbasary.
Buǵan deıin referendýmda múgedektigi bar adamdardyń daýys berýine tolyq jaǵdaı jasalatynyn jazǵan edik.