«Azamattarǵa arnalǵan úkimet» júrgizýshi kýáligin zańsyz berý faktilerin anyqtady

ASTANA. KAZINFORM – «Azamattarǵa arnalǵan úkimet» memlekettik korporatsııasy» KEAQ-nyń qaýipsizdik qyzmeti tekserý is-sharalary barysynda júrgizýshi kýáligin zańsyz berý faktilerin anyqtady. 

Atalǵan fakt boıynsha ishki qaýipsizdik qyzmetkerleri rastaıtyn qujattardy 2023 jyldyń 14 qyrkúıeginde quqyq qorǵaý organdaryna tapsyrdy.

«Qazirgi ýaqytta qylmystyq is aıasynda aıǵaqtardy alý jáne tintý júrgizilip jatyr. Ózge málimetter tergeý amaldary aıasynda jarııa etilmeıtinin alǵa tartamyz» - delingen habarlamada.

Aıta ketý kerek, Memlekettik korporatsııa óz quzyreti sheginde qyzmetkerler arasyndaǵy quqyq buzýshylyqtardy boldyrmaý maqsatynda turaqty túrde qajetti sharalar qoldanady.