«Azamattarǵa arnalǵan úkimette» jer qatynastary salasynda memqyzmet kórsetý ońtaılandyryldy
ASTANA. QazAqparat - «Azamattarǵa arnalǵan úkimet» memlekettik korporatsııasy memlekettik qyzmetterdi ońtaılandyrýdy jalǵastyrýda. Eldi mekenderde «Jer ýchaskesiniń kadastrlyq (baǵalaý) qunyn anyqtaý jáne bekitý» kompozıttik qyzmetine birden eki qyzmet: «Jer ýchaskesiniń kadastrlyq (baǵalaý) qunyn anyqtaý» jáne «Naqty jer ýchaskeleriniń kadastrlyq (baǵalaý) qunyn bekitý» qyzmetteri biriktirildi.
Ońtaılandyrý nátıjesinde qyzmet kórsetý merzimderi qysqartyldy jáne halyqqa qyzmet kórsetý ortalyqtaryna eki ret barý qajettiligi joıyldy. Sondaı-aq jergilikti atqarýshy organdarda jer ýchaskeleriniń jerge ornalastyrý jobalaryn ázirleý jáne bekitý kompozıttik qyzmetine biriktirý júzege asyryldy.
Memlekettik korporatsııanyń Basqarma tóraǵasynyń orynbasary Medet Qumarǵalıevtiń aıtýynsha, bul baǵyttaǵy ilki joba memlekettik korporatsııanyń quramynda JerǴÓO men JMO-nyń birigýi arqasynda múmkin boldy. Ol: «Jobany engizgenge deıin tek kadastrlyq qundy anyqtaý jumysyn oryndaý merzimi 10 kúndi quraǵan, oǵan jergilikti atqarýshy organnyń bekitýine 3 jumys kúni qosylady. Sondaı-aq azamattarǵa HQKO-ǵa eki ret júginýge týra keletin: aldymen qunyn anyqtaýǵa, odan keıin kadastrlyq qundy bekitýge. Endi bul qyzmet jeńildetildi - qunyn anyqtaýǵa qujat tapsyra otyryp, qyzmetti alýshy bekitilgen kadastrlyq qun aktisin alady. Qyzmet kórsetý merzimi 8 jumys kúnine deıin qysqartylǵan», - dep túsindire otyryp, ilki jobany iske qosqan sátten bastap 1 454 qyzmet kórsetilgendigin atap ótti.
Jer ýchaskeleriniń jerge ornalastyrý jobalaryn ázirleý jáne ony jergilikti atqarýshy organdarda bekitý kompozıttik qyzmetine biriktirýdiń ilki jobasy memlekettik qyzmet alýdy aıtarlyqtaı jeńildetti. «Buryn tutynýshyǵa jerge ornalastyrý jobasyn ázirleý úshin aldymen JerǴÓO-ǵa júginý jáne ony ázirlegennen keıin ǵana jergilikti atqarýshy organda bekitý úshin HQKO-ǵa qujat tapsyrý kerek bolatyn. Endi memlekettik korporatsııanyń front-ofısine júginý jáne jerge ornalastyrý jobasyn ázirleýge qujattar tapsyrý jetkilikti, bekitýge ol avtomatty túrde joldanady. Bul «Azamattarǵa arnalǵan úkimettiń» barlyq front-ofısterge qosylǵan «HQKO» yqpaldastyrylǵan aqparattyq júıesiniń arqasynda múmkin boldy. Іlki jobanyń qoldanylýynan bastap biz 4 myń jerge ornalastyrý jobalaryn ázirledik jáne 2 myńnan astamyn bekitýge joldadyq», - dedi memlekettik korporatsııanyń Basqarma tóraǵasynyń orynbasary.
Іlki joba memlekettik korporatsııanyń barlyq front-ofısterinde qoldanylady jáne 20 tamyzǵa deıin sozylady. Bul aıaqtalǵannan keıin Aýyl sharýashylyǵy mınıstrligine memlekettik qyzmet kórsetý standarttaryna ózgerister engizý jóninde usynystar joldanady. Biraq qazirdiń ózinde ilki joba is júzinde ýaqytty, merzimdi, eki ret barýdy qysqartý jáne «Azamattarǵa arnalǵan úkimet» arqyly kórsetiletin memlekettik qyzmet sapasynyń jaqsartý múmkindigin kórsetti.
Sondaı-aq «Azamattarǵa arnalǵan úkimet» memlekettik korporatsııasy» KE AQ dırektorlar keńesiniń otyrysynda osy jyldyń 3 maýsymynda «Jer kadastry jáne jyljymaıtyn múlikti tehnıkalyq tekserý» dırektsııasyn qurý bekitildi. Jańartylǵan dırektsııanyń alǵashqy jobalarynyń biri - aldymen Astana qalasy boıynsha, ári qaraı óńirlerde qala qurylysy kadastrymen yqpaldastyra otyryp, «Jer jáne jyljymaıtyn múlik» biryńǵaı memlekettik kadastryn kurý, dep habarlaıdy «Azamattarǵa arnalǵan úkimet» memlekettik korporatsııasy»
kommertsııalyq emes aktsıonerlik qoǵamynyń baspasóz qyzmeti.
