«Azamattarǵa arnalǵan úkimet» uıymynyń jergilikti bólimshesiniń bastyǵy ustaldy

ASTANA. QazAqparat - 2023 jylǵy 27 shildede Ulttyq qaýipsizdik komıtetiniń Aqmola oblysy boıynsha departamenti prokýratýranyń úılestirýimen Ulttyq ulandy jumyldyra otyryp júrgizgen jedel-tergeýlik is-sharalar nátıjesinde «Azamattarǵa arnalǵan úkimet» Memlekettik korporatsııasy» kommertsııalyq emes uıymynyń jergilikti bólimshesi bastyqtarynyń birin ustady.

Bul týraly QazAqparat QR Ulttyq qaýipsizdik komıtetiniń baspasóz qyzmetine silteme jasap habarlaıdy.

Baspasóz qyzmetiniń málimetterine qaraǵanda ustalǵan adam Qazaqstannyń asa mańyzdy aqparattyq ınfraqurylymyna jatatyn derekter bazasyndaǵy jer ýchaskelerine qatysty málimetterdi zańsyz ózgertti degen kúdikke ilindi.

Qazaqstan Respýblıkasy Qylmystyq kodeksiniń 206-babynyń 3-bóligimen (aqparatty quqyqqa syıymsyz joıý nemese túrlendirý) qarastyrylǵan qylmystyq zań buzýshylyq belgileri boıynsha tergep-tekserý júrgizilýde.

Kókshetaý qalasynyń soty kúdiktige qatysty qamaýǵa alý túrindegi bultartpaý sharasyn sanktsııalady.

Ózge aqparat Qylmystyq-protsesstik kodekstiń 201-babyna sáıkes jarııa etýge jatpaıdy.