«Azamattarǵa arnalǵan úkimet» Shymkenttegi qyzmetkeriniń alaıaqtyq kúdigine ilinýine túsinik berdi
«13 qarashada birneshe BAQ betterinde «Azamattarǵa arnalǵan úkimet» memlekettik korporatsııasynyń» Shymkent qalalyq fılıaly boıynsha quqyqtyq qamtamasyz etý mamany alaıaqtyqpen aınalysqan degen jańalyq shyqty. Osyǵan baılanysty «Azamattarǵa arnalǵan úkimet» memlekettik korporatsııasy mamanynyń atalǵan is-áreketi onyń laýazymdyq mindetterimen jáne memlekettik korporatsııanyń tikeleı qyzmetimen baılanysty emes ekenin habarlaıdy», - delingen habarlamada.
Osy oraıda «Azamattarǵa arnalǵan úkimet» óz qatarynyń adaldyǵy qaǵıdattaryn ustanatyndyǵy, sol sebepti óz kúshimen, sondaı-aq ýákiletti jáne quqyq qorǵaý organdarymen yntymaqtastyqta sybaılas jemqorlyq táýekelderin anyqtaý jáne joıý boıynsha jumys júrgizetini atalyp ótti.
Budan buryn habarlanǵandaı, «Azamattarǵa arnalǵan úkimet» memlekettik korporatsııasy Shymkent fılıalynyń quqyqtyq qamtamasyz etý mamany alaıaqtyq jasady dep kúdikke ilindi.