Azamattarǵa arnalǵan úkimet: 2022 jyly HQKO qyzmeti 90% onlaın júzege asyrylady

ASTANA. QazAqparat - 2022 jyly Halyqqa qyzmet kórsetý ortalyǵynyń qyzmeti 90% onlaın túrde bolady. Bul týraly «Azamattarǵa arnalǵan úkimet» korporatsııasynyń qoǵammen baılanys departamentiniń dırektory Murat Jumanbaı málim etti, dep habarlaıdy QazAqparat tilshisi.

«Jyl sanap azamattar arasynla onlaın qyzmetti nasıhattaýǵa kúsh salýdamyz. ıAǵnı, ortalyqqa kelmeı-aq úıde, jumysta otyryp qajetti qujattaryn alyp nemese basqa da qyzmetterdi paıdalanýǵa úndeýdemiz. Bul halyqtyń uzyn-sonar kezekte turmaýy úshin jasalynyp jatqan múmkindik. Búginde barlyq sany 746 qyzmettiń 60% elektrondy túrde qol jetimdi, jyl sońyna deıin 70% ósirý múmkindigi bar, al 2022 jyly 90% onlaın qyzmetke kóshý maqsaty tur, - dedi Murat Jumanbaı.

Sonymen qatar, departament basshysy qalǵan 10% qatysty da túsinikteme berdi.

«Azamattarǵa arnalǵan úkimettiń adamnyń qatysýynsyz júzege asyrylmaıtyn, belgili qyzmet túrleri bar, ol negizinen shetelge shyǵý kezinde ıaǵnı SІM-ne qatysty qujattardy retteýmen baılanysty», -dedi ol.

Sol sııaqty búgingi tańda azamattarǵa arnalǵan úkimettiń telegram-bot arqyly halyq arasynda jıi qoldanysqa engen qyzmet túrleri ataldy.

«Qazirgi tańda turǵylyqty mekenjaı anyqtamasy, azamattardyń sottalmaǵany týraly jáne jyljymaıtyn múlik týraly anyqtama alý sııaqty úsh qyzmet onlaın júıede kósh bastap tur dedi, -M.Jumanbaı.