Azamattardyń tar beıindi medıtsına mamandaryna qaralý tártibi jeńildeıdi
NUR-SULTAN. QazAqparat – Qazaqstanda ambýlatorııalyq deńgeıdegi medıtsınalyq kómek aıasynda tar beıindi mamandarǵa qaralý tártibin jeńildetetin burıyq jobasy ázirlendi. Qujat atalǵan mamandarǵa terapevtiń joldamasynsyz-aq qaralýǵa múmkindik beredi, dep habarlaıdy QazAqparat tilshisi.
QR Densaýlyq saqtaý mınıstri medıtsınalyq kómekti uıymdastyrý departamentiniń dırektory Kúlaıym Birjanova turǵyndardyń tar beıindi mamandarǵa terapevtiń joldamasyn almaı-aq baratyn kezi qashan keletinin aıtty.
«100 kún -100 suraq» jobasy aıasynda osy másele birneshe ret kóterildi. Emdelýshiler tarapynan talaı ótinish tústi. Búginde buıryq jobasy ázirlendi. Sol qujatta emdelýshige terapevtiń joldamasyn almaı-aq, tar beıindi mamandarǵa jazylýǵa múmkindik beredi. Biraq oǵan negiz bolatyn belgiler tizimi bolady. Qazir osy máseleni pysyqtap jatyrmyz», - dedi ol QazAqparat tilshisine.
Onyń aıtýyna qaraǵanda, atalǵan qujat ázirlengen soń azamattyq qoǵamnyń talqylaýynan ótedi.
«Buıryq jobasyn ınternet-portalǵa ornalastyramyz. Halyq sol kezde usynys-pikirlerin aıtady dep oılaımyn. Bul másele baqylaýda», - dedi Kúlaıym Birjanova.
Atalǵan sharada balany jekemenshik stomatologııalyq klınıkada joldamasyz-aq tegin emdetýge bolatyny aıtyldy.
