Azamattardyń shaǵymdary boıynsha naqty sheshimder bıýrokratııasyz qabyldanýy tıis - Memleket basshysy
«Úshinshi qaǵıda - azamattardyń suranystaryna jedel ún qatý. Qazaqstandyqtardyń shaǵymy, ótinishi nemese júginýlerin jedel qaraý qajet. Olar boıynsha naqty sheshimder bıýrokratııasyz qabyldanýy tıis», - dedi Memleket basshysy.
QR Prezıdentiniń atap ótýinshe, taıaý jyldary memlekettik basqarý júıesinde bıýrokratııalyq protsesterdiń basym bóligi avtomattandyrylatyn bolady.
«ıAǵnı, belgili bir deńgeıde bul sizderdiń jumystaryńyzǵa da baılanysty bolmaq. Memlekettik sektor blokcheın, bıgdata, jasandy ıntellekti quraldaryn paıdalana bastaıdy. Osynaý tehnologııalarǵa negizdelgen memlekettik júıe qoǵam máselelerine aldyn ala áreket etýge jáne ózekti áleýmettik problemalardy der ýaqytynda sheshýge múmkindik beredi. Bul belgili bir deńgeıde erteńgi emes, búgingi kúnniń shyndyǵy. Biraq, ókinishke oraı memlekettik qyzmetshilerdiń barlyǵy birdeı muny túsine qoıǵan joq», - dedi Qasym-Jomart Toqaev.