Azamattardyń ótinishterine salǵyrttyq tanytqan 600-ge tarta laýazym ıesi jazaǵa tartyldy
Bul týraly búgin Astanada QR Bas prokýratýrasy Quqyqtyq statıstıka jáne arnaıy esepke alý komıtetiniń tóraıymy Sáýle Aıtbaeva málim etti.
«Óz kezeginde qadaǵalaý organy retinde komıtet pen onyń aýmaqtyq organdary memlekettik organdarǵa berilgen ótinishterdiń qaralý merzimine turaqty túrde monıtorıng jasap otyrady. Mysaly, osyndaı monıtorıng arqyly 2013 jyly memlekettik organdarda 13 556 ótinishti qaraý merziminiń buzylǵany anyqtalǵan. Bul keleńsiz jaǵdaıǵa baılanysty 550 prokýrorlyq qadaǵalaý aktisi engizildi, nátıjesinde 590 adam jibergen kemshilikteri úshin ár túrli jazaǵa tartyldy. Olardyń ishinde 3-ýine sybaılas jemqorlyǵy úshin qylmystyq, 25-ine ákimshilik jaza qoldanyldy», - deıdi komıtet basshysy.
Onyń aıtýynsha, qalalyq ákimdikter, áleýmettik qamsyzdandyrý jáne turǵyn úı kommýnaldyq sharýashylyǵy salasyndaǵylar azamattardyń suraýyna óte kesh jaýap qaıyratyn memlekettik organdar bolyp otyr.
