Azamattardyń ómir standarty baǵdarlamasyn qabyldaý qajet – JSDP
«Bizdiń maqsat – halyqtyń turmystyq jaǵdaıyn jaqsartý. Sondyqtan da biz saılaýǵa túsip jatyrmyz. Bizdiń el sotsıal-demokrattardyń ıdeıasyna muqtaj. Sondyqtan saıası reformalardy jalǵastyrý kerek. Azamattar úshin qajetti zańdar qabyldaý qajet. Bizdiń usynystarymyz - prezıdenttik-parlamenttik basqarý júıesin engizý. Halyq parlamentin qurý, Senatty tarqatý. Jemqorlyqpen júıeli túrde kúresý. Tergeý júrgizip, elden urlanǵan jáne ofshorlarǵa jasyrylǵan qarajatty elge qaıtarý. Tabıǵı qazbalardy óńdeıtin jáne olardy eksporttaýdy memleket qaramaǵyna qaıtarý», - dedi «Jalpyulttyq sotsıal-demokratııalyq partııasynyń» Astana qalalyq fılıalynyń tóraǵasy Nurlan Áýesbaev pikirsaıys barysynda.
Odan bólek, sotsıal-demokrattar ár adamǵa áleýmettik qoldaý kórsetýge ýáde berip otyr.
«Azamattardyń ómir standartyn qabyldaý qajet. ıAǵnı zertteý júrgizip, arnaıy baǵdarlama engizgen durys. Baǵdarlamada adamdardyń negizgi qajettilikteri eskeriletin bolady. Biz úshin kelesi suraqtar mańyzdy. Tegin bilim berý jáne medıtsına. Mektepter, aýrýhanalar basqa da áleýmettik nysandar salý. Turǵyn úı baǵdarlamalaryn qaıta qarap jetildirý. Sonymen qatar aýyldyń jaǵdaıyn jaqsartý kerek. Jemqorlyq pen olıgarhtarmen kúresti jalpy ulttyq deńgeıge kóterý. Sheneýnikterdiń mindetti túrde deklaratsııa tapsyrýy. Zańsyz baılyqqa jol bermeý. Nesıe paıyzdaryn tómendetý. Energetıka nysandaryn jáne kommýnaldy kásiporyndardy memleket qaramaǵyna qaıtarý. Sondaı-aq bizdiń saılaýaldy baǵdarlamamyzdǵa elden zańsyz shyǵarylǵan qarajattardy qaıtarý boıynsha vedomstvoaralyq komıssııa quramyna bizdi engizýdi talap etip otyrmyz. Bul arnaıy zańmen rettelýi qajet», - deıdi ol.
Aıta keteıik, «Habar» telearnasynyń tikeleı efırinde Parlament Májilisi saılaýyna qatysatyn 7 saıası partııa ókilderi arasynda pikirsaıys ótti.
Pikirsaıysqa «Amanat» saıası partııasynan – Erlan Qoshanov, «Aýyl» halyqtyq demokratııalyq patrıottyq partııasynan Jıgýlı Daırabaev, «Respulica» partııasynan - Aıdarbek Qojanazarov, «Qazaqstan halyq partııasynan – Oksana Áýbákirova, Qazaqstannyń «Baıtaq» jasyldar partııasynan – Azamathan Ámirtaev; «Aq jol» Qazaqstan demokratııalyq partııasynan – Azat Perýashev, al «Jalpyulttyq sotsıal-demokratııalyq partııasynan» Nurlan Áýesbaev qatysty.
