Azamattardyń múmkindikterin júıeli túrde keńeıtip kelemiz – depýtat
«Saıası reformalar protsesi, azamattardyń quqyqtary men bostandyqtaryn arttyrý, barshaǵa teń múmkindikter jasaý jalǵasyp jatyr. Shyǵys pen Batystyń kóptegen elderinde múldem basqa jaǵdaı qalyptassa da, Qazaqstan basqalarǵa úlgi kórsete otyryp, qoǵamnyń bılikti baqylaýyn kúsheıtý jolymen júrip jatyr. Biz azamattardyń múmkindikterin júıeli túrde keńeıtip kelemiz», - dedi depýtat.
Onyń aıtýynsha, Májiliske kelip túsken kezekti zań jobasy – Prezıdent tapsyrmasymen ázirlengen «Jergilikti ózin-ózi basqarý týraly» zań azamattardyń jergilikti jerdegi máselelerin sheshýge qatysý múmkindigin keńeıtip, ózin-ózi basqarý organdary retindegi máslıhattardyń rólin kúsheıtýi tıis.
«Osylaısha, reformalar eldiń odan ári turaqty damýyna negiz jasaıdy. Myqty Prezıdent, yqpaldy Parlament, esep beretin Úkimet – elimizdiń negizgi qaǵıdaty. Saılaý tek bastamasy ǵana, óıtkeni jańa Qazaqstan ózdiginen quryla salmaıdy, bul bárimizdiń úlken kúsh-jigerimiz», - dedi Albert Raý.
