Azamattardyń málimetterin anyqtaý úshin barlyq saılaý ýchaskeleri HQO-men tikeleı baılanys ornata alady
Onyń aıtýynsha, saılaýshylardyń tizimine jáne onyń durystyǵyna úlken mán berilýde.
«Bul mindet barlyǵymyzǵa da mańyzdy. Biraq biz bıyl saılaýshylardyń tizimine qatysty óte tııanaqty jumystar atqardyq. Osynyń arqasynda saılaý komıssııalaryna bergen ýaqyt boıynsha jáne 2015 jyly 1 qańtardaǵy jaǵdaı boıynsha saılaýshylardyń tizimi 200 myń adamǵa artty», - deıdi ol.
«Ekinshiden, eger saılaýshy óziniń aty-jónin tizimnen taba almasa, óziniń salǵyrttyǵynan saılaý ýchaskesin bilmese, biz árbir ýchaskede HQO-larmen tikeleı baılanys ornattyq, olar saılaý komıssııasynyń quzyrly tulǵasynyń suraýy boıynsha, oǵan mekenjaı anyqtamasyn beredi. Onda onyń qaı jerde daýys berý quqyǵy bar ekeni de kórsetiledi. Mundaı baılanys barlyq 9 741 ýchaskede ornatylǵan. Ol synaqtan ótti. Saılaý ýchaskesine kelgen árbir saılaýshy daýys berý quqyǵyna ıe», - dep atap ótti ol.