Azamattardyń quqyq jónindegi saýaldaryna jaýap beretin «Ádilet keńes beredi» respýblıkalyq aktsııasy ótýde
ASTANA. Maýsymnyń 22-si. QazAqparat /Qanat Mámetqazyuly/ -Azamattarǵa konsýltatsııa berý jáne kóptegen quqyqtyq suraqtaryna jaýap berý maqsatynda Ádilet mınıstrligi aǵymdaǵy jylǵy maýsymnyń 21-i men 25-i aralyǵynda «Ádilet keńes beredi» respýblıkalyq aktsııasyn ótkizýde.
Bul týraly búgin QR Ádilet mınıstrliginde ótken brıfıng barysynda vedomstvonyń resmı ókili Erbolat Erimbet málim etti.
Atalmysh shara aıasynda oblystardyń, Astana jáne Almaty qalalarynyń ádilet departamentteriniń, «Nur Otan» HDP ókilderi, advokattar men notarıýstar ótinish bildirgen barlyq azamattarǵa, zańdy tulǵa ókilderine quqyqtyq kómek kórsetip, konsýltatsııalar beredi, zańnama normasyn túsindiretin bolady.
«Aktsııa barysynda respýblıka boıynsha 18 halyqpen kezdesý, 66 kásiporyn, mekemelerge barý jáne 30 Halyqqa qyzmet kórsetý ortalyǵynda azamattarmen júzdesý uıymdastyrylady. Azamattar quqyqtyq sıpattaǵy suraqtarǵa, atap aıtqanda qujattyq qamtamasyz etý, jyljymaıtyn múlikti jáne zańdy tulǵalardy tirkeý, tehnıkalyq pasport alý, mámilelerdi notarıattyq kýálandyrý sekildi basqa da kóptegen máseleler boıynsha bilikti zańgerler men advokattardan jaýap ala alady. Aktsııaǵa qatysýshylardyń quramy, onyń ótetin kúni men orny, ýaqyty týraly málimetter Ádilet mınıstrliginiń www.minjust.kz saıtynda kestede ornalastyrylǵan», dedi E. Erimbet.
