Azamattardyń quqyq qorǵaý organdaryna senimi arta tústi - Prezıdent

NUR-SULTAN. QazAqparat – Azamattardyń quqyq qorǵaý organdaryna senimi arta tústi. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Armııamyz qazirgi zamanǵy qarý-jaraqpen qamtamasyz etilip, elimizdiń qorǵanys qabileti nyǵaıa tústi. Sot jáne quqyq qorǵaý júıesinde mańyzdy reformalar jasalyp, azamattardyń quqyqtary tıimdi qorǵalýda. Olardyń quqyq qorǵaý organdaryna senimi arta tústi. Sybaılas jemqorlyqqa qarsy jumys belsendi júrgizilýde. Tıisti zańnamalardy jetildirý úshin naqty sharalar qolǵa alyndy», - dep atap ótti QR Prezıdenti.