Azamattardyń konstıtýtsııalyq quqyqtaryn saqtaý - kólik polıtseıleriniń basty mindeti (FOTO)
ASTANA. QazAqparat - QR ІІM Kóliktegi ishki ister departamentinde Májilis depýtaty Serik Ospanovtyń tóraǵalyǵymen Qoǵamdyq keńestiń otyrysy ótti, dep habarlady atalǵan vedomstvonyń baspasóz qyzmetinen.
Sharaǵa Kóliktegi ishki ister departamentiniń bastyǵy Erjan Sadenov jáne temir jol men basqa da qoǵamdyq uıymdardyń ókilderi qatysty.
Jaqynda Elbasymyz N.Á. Nazarbaev «Nur Otan» partııasynyń sezinde jahandyq syn-qaterlerge tótep berip, memleket turaqtylyǵyn saqtaýda polıtsııanyń halyq aldyndaǵy jaýapkershiligi men bedelin kóterý kerek ekendigin atap ótti. Ásirese, halyqtyń aryz-shaǵymyna den qoıyp, azamattardyń konstıtýtsııalyq quqyqtary men zańdy múddeleriniń qorǵalýyn qadaǵalaý polıtseılerdiń basty mindeti ekenin qadap aıtty. Sondyqtan da Kóliktegi ІІD-de ótken Qoǵamdyq keńeste osy máselelerge erekshe nazar aýdaryldy.
Jıyn barysynda Departament basshysynyń orynbasary polıtsııa polkovnıgi B. Arǵynbaev: «Qylmystyq kýdalaýdy júzege asyrý kezinde azamattardyń konstıtýtsııalyq quqyqtaryn saqtaý týraly» baıandama jasady. Ol aldymen jyl basynan beri qoldanysqa engizilgen jańa zańnamalardyń tıimdiligine toqtalyp ótti. Máselen, aǵymdaǵy jyldyń 2 aıynda Departementtiń jelilik bólinisterinde 1080 aryz ben shaǵym tirkelgen. Qazirgi tańda departamenttiń qyzmet kórsetý aýmaǵynda kelip túsken aryz shaǵymdardy tirkeý 100 paıyz qamtamasyz etilgen. Sondaı-aq, anyqtaý basqarmasy ótken jylmen salystyrǵanda 2 ese artyq (425 ten 796 iske deıin) is tergegen. Oǵan birinshiden jańa úlgidegi tergeý men Qylmystyq is júrgizý kodeksine engizilgen kóshi-qon, ákimshilik, krımınaldyq polıtsııa qyzmetkerlerine tergeýdi júrgizý quqyǵynyń berilýi septigin tıgizgen.
Búginde kólik saqshylary temir jol vokzaldary men áýe kóligi nysandarynda oryn alǵan qylmystyq isterdi tergeý barysynda jiberilgen kemshilikterdiń sebepterin anyqtap, keleshekte boldyrmaýǵa jan jaqty áreket etýde. 2014 jyly tergeýshiler men anyqtaýshylar sotqa joldaǵan qylmystyq isterdiń jartysy jeńildetilgen óndirispen aıaqtalǵan (1305 istiń 656-si), onyń 39-y aýyr qylmystar sanatynda (2013 jyly - 17) bolǵan. Bul isterdi tergeý barysynda birde bir zańbuzýshylyq faktilerine jol berilgen joq.
Osyndaı sharalardyń jyldan jylǵa aýqymynyń ósýine qaramastan tergeý jáne jedel qyzmet qyzmetkerleri zańdylyqty saqtaı otyryp, óz mindetterin júıeli túrde júzege asyrýda. Aldaǵy ýaqytta da azamattardyń konstıtýtsııalyq quqyqtaryn qorǵaý kólik saqshylarynyń negizgi prıorıtettik baǵyttarynyń biri bolyp qalady jáne ol udaıy baqylaýda bolady.
Jıynda qylmystyq kýdalaýdy júzege asyrý kezinde azamattardyń konstıtýtsııalyq quqyqtarynyń buzylýyna jol bermeý maqsatynda Bas kólik prokýratýrasymen birge atqarylyp jatqan naqty is sharalar talqylandy.
Basqosýda qoǵamdyq keńestiń tóraǵasy Serik Ospanov qyzmetkerlerdiń jańa zańnamalardy tereń zerttep, bilimderin udaıy jetildirip otyrý kerektigin nyqtap aıtty.
Jıyn sońynda keńes músheleri zańbuzýshylyqtardyń aldyn alý jáne de halyqtyń ІІO-na degen senimin nyǵaıtý úshin kólik polıtseıleriniń jaýapkershiligin arttyrý, qyzmetkerlerdiń kásibı bilimderin jetildirip, azamattardan kelip túsken aryzdarǵa ýaqtyly jáne obektıvti túrde shara qoldaný máselelerin jandandyrý týraly sheshim qabyldady.
