Azamattardyń kommýnaldyq tólemderi jalpy otbasy tabysynyń 10 paıyzynan aspaýy tıis - J.Ahmetbekov
ANA. 15 naýryz. QazAqparat /Marlan Jıembaı/ - Azamattardyń kommýnaldyq tólemderge tóleıtin eń joǵarǵy shyǵyndarynyń kólemi jalpy otbasy tabysynyń 10 paıyzynan aspaýy tıis.
Búgin elordada baspasóz málsıhatyn ótkizgen QR Prezıdenttigine kandıdat Jambyl Ahmetbekov osylaı málim etti.
Ol óziniń saılaý aldy tuǵyrnamasyna sáıkes turǵyn úı kommýnaldyq sharýashylyq salasynyń tarıfteri men baǵalaryn azaıtýdy usynatyndyǵyn aıta kelip: «Azamattardyń kommýnaldyq tólemderge tóleıtin maksımaldy shyǵyndarynyń kólemi jalpy otbasy tabysynyń 10 paıyzynan aspaýy tıistigi memlekettik deńgeıde zańmen bekitilýi qajet», - dedi.
Onyń pikirinshe, memleketke kommýnaldyq tólemderden túsken qarjy úıler men kommýnaldyq júıelerdi jóndeýge jáne olarǵa qyzmet kórsetýge jumsalýy tıis.
«Biz halyqty turǵyn úımen qamtamasyz etýge jáne kommýnaldyq sharýashylyqtyń ınjenerlik júıesiniń jaǵdaıyn jańǵyrtýda memlekettiń jaýapkershiligin qalpyna keltirýdi usynamyz», - dedi Prezıdenttikke kandıdat.
