Azamattardyń derbes derekterin taratqandarǵa qatysty jaza kúsheıedi

ASTANA. QazAqparat – Azamattardyń derbes derekterin nemese elimizde shekteý qoıylǵan elektrondyq aqparattyq resýrstardy málimetterin tartqandarǵa jaza kúsheıedi. Bul týraly ashyq talqyǵa shyǵarylǵan «QR keıbir zańnamalyq aktilerine Qylmystyq, Qylmystyq-protsestik jáne Qylmystyq-atqarý kodeksterin ońtaılandyrý máseleleri boıynsha ózgerister men tolyqtyrýlar engizý týraly» QR Zań jobasynda jazylǵan, dep habarlaıdy QazAqparat tilshisi.

«Azamattardyń derbes derekterin nemese Qazaqstan Respýblıkasynyń zańdary nemese olardyń menshik ıesi nemese ıelenýshisi qoljetimdilikti shektegen ózge de málimetterdi qamtıtyn elektrondyq aqparattyq resýrstardy quqyqqa syıymsyz taratý – belgili bir laýazymdardy atqarý nemese belgili bir qyzmetpen aınalysý quqyǵynan 2 jylǵa deıingi merzimge aıyrýmen jazalanady. Sonymen birge 400 aılyq eseptik kórsetkishke deıingi mólsherde aıyppul salynady ne 400 saǵatqa deıingi merzimge qoǵamdyq jumystarǵa tartylady. Buǵan qosa, 1 jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrýmen jazalanady», - dep kórsetilgen qujatta.

Qoldanystaǵy zańda mundaı qylmystar úshin qandaı da bir qyzmetpen aınalysý quqyǵyna 3 jylǵa deıin shekteý qoıylady nemese 200 AEK-ke deıin aıyppul salynady. Sondaı-aq, kináli 180 saǵatqa túzeý jumystaryna tartylady ne bolmasa 50 táýlikke deıin qamaýǵa alynady.