Azamattardyń densaýlyqqa degen ortaq jaýapkershiligin arttyrý kerek - S.Qaıyrbekova
Onyń aıtýynsha azamattar men jumys berýshilerdiń densaýlyqqa degen ortaq jaýapkershiligin arttyrý kerek. Qazirgi ýaqytta bul jaýapkershilik tek memleketke júktelgendigin aıtady.
«Dinı sebeptermen balalaryn ınfektsııalyq aýrýlarǵa qarsy egýden bas tartatyn ata-analardyń isteri «jaýapsyz áreket». Halyqqa kórsetiletin medıtsınalyq qyzmet sapasyn arttyrýda emdeý mekeleriniń birinshi basshylarynyń menedjmenti mańyzdy ról atqarady, tıisinshe ol halyqaralyq standarttarǵa saı kelýi tıis. «Salamatty Qazaqstan» baǵdarlamasy aıasynda bas dárigerlerge eleýli túrde ókilettilik berilgen. Qazirgi ýaqytta aýrýhanaǵa qandaı qondyrǵy qajet, óz mamandaryn qaıda oqýǵa jiberý kerek degen sııaqty kóptegen sheshimderdi ózderi qabyldaıdy. Munda eń bastysy, bıýdjet qarajatyn óz qaltalarymen shatastyryp almaýlary kerek» dedi ol.
«Salamatty Qazaqstan» memlekettik baǵdarlamasynyń iske asyrylý barysy týraly baıandaǵan ol kózdelgen 6 ındıkatordyń barlyǵy oryndalǵanyn jetkizdi. Sóz arasynda adam densaýlyǵy 50% jaǵdaıda onyń ómir súrý saltyna baılanysy ekenin alǵa tarta otyryp, «Árbir otbasy densaýlyqty kútýmen aınalyssa, memleket qabyldap jatqan is-sharalar myń ese artyq nátıje bere edi» degen sózin alǵa tartty.
Sonymen birge, ınfektsııalyq aýrýlardy baqylaý júıesin jetildirý, sanıtarııalyq-epıdemıologııalyq qyzmet uıymdarynyń qyzmetine mıkrobıologııalyq kórsetkishter men hımııalyq zattardy aıqyndaý boıynsha shuǵyl zertteýler engizý boıynsha is-sharalar jalǵasatyn bolady. Halyqqa profılaktıkalyq egýler júrgizýdiń ulttyq kúntizbesin odan ári jetildirý jalǵasatyn bolady, oǵan balalardy pnevmokokk ınfektsııasyna qarsy vaktsınatsııalaý engiziledi dep atap ótti QR Densaýlyq saqtaý jáne áleýmettik damý birinshi vıtse-mınıstr S.Z.Qaıyrbekova.
