Azamattardy aldap, aqsha jymqyryp kelgen alaıaq ustaldy
ALMATY. Qazannyń 1-i. QazAqparat /Ádilet Musahaev/ - Almatyda memlekettik baǵdarlama arqyly páter alýǵa kómektesemin dep azamattardy aldap, aqsha jymqyrǵan alaıaq ustaldy,
dep habarlaıdy QazAqparat Almaty qalasy ІІD-niń baspasóz qyzmetine silteme jasap.
Aısulý atty 46 jastaǵy áıeldiń qurbanyna aınalýshylardyń aıtýynsha, ol ózin memleketti organnyń qyzmetkeri retinde tanystyrǵan jáne jergilikti basqarý uıymdarynda bedeldi tanystary bar ekendigine sendirgen.
"A. esimdi áıel aýyzsha kelisim arqyly turǵyn úıdiń sharshy metrine jáne atqarý merzimine qaraı ártúrli mólsherde aqsha alǵan. Bul qarjy orta eseppen alǵanda 3 myń AQSh dollarynan jáne odan joǵary somada bolǵan. Kúdikti Almaty qalasynda tirkelip, Astanada turyp jatqan. Sondyqtan da onyń qurbandarynyń kópshiligi osy eki iri qalanyń turǵyndary. Degenmen, biz onyń quryǵyna ilingen taldyqorǵandyq jábirlenýshini de anyqtadyq. Qazirgi tergeý jumystary boıynsha olardyń sany - 40 ekendigi anyqtaldy. Bul aldaǵy tergeý jumystary barysynda óse túsýi múmkin", deıdi Almaly aýdandyq ІІB-nyń krımınaldy polıtsııa bóliminiń bastyǵy Іlıas Ómirserikov.
Belgili bolǵanyndaı, Aısulý alaıaqtyqpen bir jyl kóleminde aınalysyp kelgen. Ol óz klıentteriniń senimine kirý úshin qymbat kıimder men baǵaly avtokóligine minip baryp otyrǵan. Kúdikti aqshany azamattardyń páter alýyna kómektesý úshin alǵandyǵyn moıyndaǵan.
"Ustalýshynyń bergen ár túsinigi jiti tekseriledi. Eger bul jerde kóptegen adamnyń qatysy bar ekendigin anyqtasaq, onda alaıaqtyń barlyq sybaılastaryn ustaýǵa áreket jasaımyz", deıdi І.Ómirserikov.
