Azamattardyń derbes derekterin qorǵaý úshin ne istelip jatyr – Mýsın jaýaby

Elimizde azamattardyń derbes derekterin qorǵaý úsh baǵytta júrzilip jatyr. Bul týraly aıtty, dep habarlaıdy Kazinform.

Búgin Úkimet otyrysynda Premer-Mınıstr Álıhan Smaıylov mınıstrden: «Azamattardyń derbes derekterin qorǵaý boıynsha qandaı sharalar qabyldanýda?» dep suraǵan edi.

Saýalǵa jaýap bergen mınıstr azamattardyń derbes derekterin qorǵaý jumys úsh baǵytta júrgizilip jatqanyn aıtty.

«Birinshiden, derbes derekterge qol jetkizýdi baqylaý servısin ázirledik. Ol qalaı júrgiziledi? Mysaly, azamat HQKO-ǵa kelgen kezde oǵan SMS jiberiledi. Azamat SMS kodty aıtpaıynsha operator onyń derbes derekterine qol jetkize almaıdy. Osylaısha, barlyq qyzmet kórsetý salasynda osyndaı servıs engiziledi. Ol kelesi jyldan jumys isteıdi. Ekinshiden, búginde aqparattyq júıelerdi súıemeldeıtin ІT-qyzmetterdiń is-áreketter de blokcheın platformasyna jazylady jáne olar 10 jyl boıy saqtalady. Úshinshiden, derbes derekterge qatysty buzýshylyqtarǵa ákimshilik jazany qatańdatý usynysy Májilis tarapynan maquldandy. Osy úsh baǵytta jumysymyzdy jalǵastyramyz», - dedi Baǵdat Mýsın.