Azamattardyń bankrottyǵy: Qansha adamnyń qaryzy jabyldy

ASTANA. KAZINFORM – Elimizde 87 azamat bankrottyqqa ótinish bergen. Bul týraly Qarjy vıtse-mınıstri Erjan Birjanov aıtty.

«Búginge deıin 87,5 myń ótinim tústi. Onyń ishinde 10 myń ótinimdi qabyldap, óńdedik jáne jeke tulǵalardy bankrot dep tanydyq. Atalǵan azamattardyń esepten shyǵarylǵan qaryz somasy 20 mlrd teńge», - dedi Erjan Birjanov Májilistiń jalpy otyrysynan keıin tilshi saýalyna oraı.

Onyń atap ótýinshe, qazirgi ýaqytta tapsyrylýy tıis qujattardyń tizimi qysqartyldy.

«Tulǵalar aıasyn keńeıtý, qosymsha kedergilerdi joıý úshin «bir tereze» qaǵıdatyn qolǵa aldyq. ıAǵnı, burynyraq olar bankrottyqqa ótinim bergen kezde bank aldyndaǵy qaryzyn retteý týraly qujatty tirkeıtin. Keıde bul qujattar joǵalyp ketip, keıde durys toltyrylmaı jatatyn. Endi biz bul qujatty tirkeýdiń qajet emestigin aıtyp otyrmyz. Ótinish berse bolǵany, qalǵanyn kredıttik bıýro arqyly ózimiz retteımiz», - dedi Erjan Birjanov.

Aıta keteıik, 2023 jylǵy naýryzdan bastap bankterdiń, mıkroqarjy uıymdarynyń jáne basqa da kredıtorlardyń kredıtteri boıynsha jeke tulǵalardyń sottan tys bankrottyǵynyń zańnamalyq rásimi engizildi. Bankrottyqqa ótinish berý úshin qaryz alýshydan aǵymdaǵy bereshegi boıynsha jáne barlyq kredıtor, merzimi ótken qaryzdyń rettelýi týraly kóptegen qujat pen málimetter berý talap etiledi. Bir qujatty qate usynýdyń ózi qabyldaýdan bas tartýǵa negiz sanalady.