Azamattardan negizsiz artyq qujat talap etýge baılanysty 800-den astam derek áshkerelengen

ASTANA. KAZINFORM – Memleket basshysy ortalyq jáne atqarýshy organdardyń jumys isteý tásilin túbegeıli ózgertip, bıýrokratııaǵa jol bermeı, naqty nátıjelerge qol jetkizýdi tapsyrdy.

Osy turǵyda arnaıy jarlyq bekilitip, álemniń jetekshi elderiniń basqarý praktıkasynda qalyptasqan zamanaýı tetikterine súıene otyryp, memlekettik qyzmettiń servıstik jáne klıentke baǵyttalýyna negizdelgen modelin qurý isi ilgeriletilgen. Osy qujat aıasynda agenttik osy ýaqytqa deıin úkimet apparatyna 700-den astam usynys engizdi.

- Bıýrokratııa máselesi ótkir taqyryptar qatarynda. Jyl basynan beri myńnan astam qyzmet kózsetýden negizsiz bas tartý faktileri anyqtalǵan. Osy ýaqyt aralyǵynda azamattardan negizsiz artyq qujat talap etýge baılanysty 800-den astam faktiler áshkerelendi. Qyzmet ýaqytyly kórsetilmeı, azamattardy áýre-sarsańǵa salý derekteri 18 myńnan asyp otyr,-deıdi QR memlekettik qyzmet isteri agenttiginiń tóraǵasy Salaýat Múksimov.

Atalǵan buzýshylyqtar negizinde 900-ge jýyq laýazymdy tulǵalar tártiptik, 259-y ákimshilik jaýapkershilikke tartylǵan. Atap aıtqanda buzýshylardyń basym bóligi 1 mldr teńgeden astam túrli sýbsıdııalarǵa qol jetkizýge, 400-ge jer telimderin rásimdeý quqyqtaryn qalpyna keltirýmen jáne t.b. ıgilikterge qol jetkizýge qatysty bolyp otyr.

Zulqarnaı Ermurat