Azamattardan kelip túsken barlyq shaǵymdardyń úshten bir bóligi quqyq qorǵaý organdary men sottardyń qyzmetine qatysty
ASTANA. Tamyzdyń 17-si. QazAqparat - Bıylǵy jyly Prezıdent Ákimshiligine azamattardan kelip túsken barlyq shaǵymdardyń úshten bir bóligi quqyq qorǵaý organdary men sottardyń qyzmetine qatysty bolyp otyr. QR Prezıdenti baspasóz qyzmetiniń habarlaýynsha, bul týraly Elbasy Nursultan Nazarbaev Aqordada quqyq qorǵaý organdaryn reformalaý máselesine arnalǵan keńeste aıtty.
«Quqyq qorǵaý organdarynyń qazirgi kezdegi qurylymy, birqatar qyzmetteri men ókilettiligi qoǵamda qalyptasqan naryqtyq qatynastarǵa sáıkes kelmeıdi. Quqyq qorǵaý organdarynyń qyzmeti basqarý júıesiniń qolaısyzdyǵymen, qyzmetterdiń qosarlanýymen jáne qıylysýymen sıpattalady. Sapaly kórsetkishterdiń kólemdik kórsetkishterge aýysýy oryn aldy»,-dep qadap aıtty Memleket basshysy.
Elbasynyń aıtýynsha, quqyq qorǵaý organdarynyń qazirgi kezdegi jumys tıimdiligin baǵalaý ólshemderi olardyń fýnktsıonaldyq maqsattaryn sheshýdegi baǵytyna múmkindik týǵyzbaıdy. Bul óz kezeginde quqyq qorǵaý organdaryna degen halyqtyń senim deńgeıine yqpal etedi jáne osy arqyly barsha bılikke áser etedi.
