Azamattar óziniń saılaý ýchaskesin eGov Mobile jáne Gov.kz arqyly teksere alady
ASTANA.KAZINFORM - 15 naýryzda ótetin respýblıkalyq referendým qarsańynda azamattar úshin óz saılaý ýchaskesin izdeýge arnalǵan tsıfrlyq servıs qoljetimdi. Bul týraly Jasandy ıntellekt jáne tsıfrlyq damý mınıstrligi habarlady.
Daýys beretin qajetti pýnktti eGov Mobile mobıldi qosymshasy men GOV.KZ portalynda birneshe qadamdy oryndap tabýǵa bolady.
eGov Mobile mobıldi qosymshasy men GOV.KZ portalynyń basty betterinde «Referendým» arnaıy banneri ornalastyrylǵan. Bannerge ótkennen keıin paıdalanýshy saılaý ýchaskesin tekserý servısine ótedi, onda ol óziniń JSN-in jáne óńirin kórsetýi qajet. Derekter engizilgennen keıin júıe avtomatty túrde saılaý ýchaskesiniń nómirin, óńir men aýdandy, sondaı-aq daýys berý ornynyń naqty mekenjaıyn kórsetedi.
Sondaı-aq osy bette «Jıi qoıylatyn suraqtar» bólimine silteme qoljetimdi, onda azamattar referendýmǵa qatysty paıdaly aqparatty taba alady.
Aıta keteıik, Almaty aýmaqtyq saılaý komıssııasynyń tóraǵasy Aıgúl Qalykova úıde daýys berý men bekitý kýáligin alýdyń tártibin túsindirdi.
Ortalyq referendým komıssııasy 21 sheteldik baıqaýshyny akkredıttedi.