Azamattar kez kelgen platformany erkin tańdap, jumys isteýi kerek – Premer-Mınıstr
«Tamara Qasymqyzy, búgingi tańda shamamen 500 myń adam onlaın-platformalar arqyly jumys isteıdi. Osy sanattaǵy azamattardy áleýmettik qamsyzdandyrý júıesine qosý úshin ne istelip jatyr?», - dep suraq qoıdy Úkimet basshysy Álıhan Smaıylov Eńbek jáne halyqty áleýmettik qorǵaý mınıstri Tamara Dúısenovaǵa.
«Aldyńǵy aptada Qazaqstandaǵy negizgi 8 platformanyń basshylarymen kezdestik, olar platformalardy jumyspen qamtylǵan azamattardy jalpy áleýmettik qamsyzdandyrý júıesine qosýǵa tolyq kelisip otyr. Sondyqtan 1 shildeden bastap, biz pılotty túrde ár platformanyń spetsıfıkasyna qaraı, pılotty túrde jyl sońyna deıin aprobatsııa jasaıtyn boldyq. Al jyl sońyna qaraı qajetti ózgeristerdi zańǵa engizetin bolamyz», - dep jaýap berdi T. Dúısenova.
Álıhan Smaıylov onlaın platformalarǵa qatysty pılottyq jobany qoldaıtynyn aıtty.
«Bıýrokratııalyq jáne basqa da kedergilerdiń bárin alyp tastaý qajet. Azamattar kez kelgen platformany erkin tańdap, jumys isteýi kerek jáne tıisti táýekelder týyndaǵanda ózderiniń áleýmettik jaǵynan qorǵalatynyn bilýi kerek», - dedi Premer-Mınıstr.
Buǵan deıin Tamara Dúısenova ıAndeks, Ýber, Volt jáne Glovo platformalarynda jumys isteıtinderdiń de áleýmettik quqyqtary qorǵalatynyn aıtqan edi.
