Azamattar barlyq jerde ádildik ornaǵanyn qalaıdy - QR Prezıdenti
NUR-SULTAN. QazAqparat - Azamattar memlekettik organdardyń halyqqa ádil qyzmet kórsetýin talap etedi. Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev osylaı aıtty, dep habarlaıdy QazAqparat tilshisi.
«Búginde halyqty, eń aldymen, ne mazalaıdy? Eń birinshi, azamattar barlyq jerde ádildik ornaýyn qalaıdy. Áleýmettik saıasattan bastap memlekettik organdardyń halyqqa ádil qyzmet kórsetýin talap etedi. Halyqty tolǵandyryp otyrǵan basty másele - tabys kóleminiń azaıýy. Halyqaralyq qarjy naryqtarynyń turaqsyzdanýy, teńgeniń devalvatsııasy halyqtyń tabysyna keri áser etti. Mıllıonnan astam azamattarymyz bankten nesıe alýǵa májbúr boldy. Tabysy joǵary jáne tómen azamattarymyzdyń arasyndaǵy alshaqtyq - bizdiń qoǵamdy mazalaıtyn taǵy bir ózekti másele. Árıne, mundaı qubylystar búkil álemde bar, degenmen, toqmeıilsip otyra berýge bolmaıdy!», - dedi Memleket basshysy.
Prezıdenttiń sózine qaraǵanda, dál osy ótkir áleýmettik-ekonomıkalyq jáne saıası máseleni sheshýde ortamerzimdi keshendi sharalar qabyldaý qajet.
