Azamattar 42500 teńge alǵan aıda medsaqtandyrý qoryna jarna tóleýge mindetti emes – ÁMSQ
«Jyl sońynda buqaralyq aqparat quraldarynda 42 500 alýshynyń medıtsınalyq saqtandyrý qoryna qaryzdar bolyp qalǵandyǵy týraly aqparat paıda boldy. ıAǵnı, azamattar bir rettik tólem alý úshin biryńǵaı jıyntyq tólem jasaý arqyly ózin-ózi jumyspen qamtýshy ekenin dáleldedi. Kópshiligi biryńǵaı jıyntyq tólem olardy medıtsınalyq saqtandyrý qorynda saqtandyrdy dep oılady, biraq olaı emes bolyp shyqty. ıAǵnı, azamat 42,500 teńge alý úshin biryńǵaı jıyntyq tólemdi tólep, keıin jumysqa tursa jáne MÁMS júıesinde saqtandyrylǵan degen mártebege ıe bolý úshin aı saıyn medıtsınalyq saqtandyrý qoryna jarna aýdaryp turǵysy kelse – aldymen bir jylǵy qaryzdy óteýi kerek pe? Osy máseleni túsindirip ótińizshi», - degen suraq qoıyldy brıfıngte.
Bul saýalǵa «Áleýmettik medıtsınalyq saqtandyrý qory» KeAQ jeke jáne zańdy tulǵalarmen jumys jónindegi departament dırektory Zabıra Orazalıeva jaýap berdi.
«Negizinde mindetti áleýmettik medıtsınalyq saqtandyrý júıesinde medıtsınalyq kómek alý quqyǵyna ıe bolý úshin biryńǵaı jıyntyq tólemdi tóleýshiler Qorǵa medıtsınalyq kómek alǵan kúnnen bastap keminde úsh aı qatarynan jarna tóleýge mindetti. ıAǵnı, eger siz ózińizdi biryńǵaı jıyntyq tólemniń tóleýshisi retinde taǵaıyndaǵan bolsańyz, onda siz aı saıyn jáne úzilissiz turaqty tólemder júrgizip otyrýyńyz kerek. Eger tólem merziminde úzilister bolsa, onda siz qandaıda bir aıda biryńǵaı jıyntyq tólem tóleýshi bolyp sanalmaısyz», - deıdi ol.
Departament dırektorynyń a ıtýynsha, zańnama biryńǵaı jıyntyq tólemdi ótken kezeń úshin tóleýge jol bermeıdi. Mindetti medıtsınalyq saqtandyrý júıesinde medıtsınalyq kómekke quqyq alý úshin jarna tólemegen adamdar sońǵy 12 aıda jarna tóleýi kerek.
«Biryńǵaı jıyntyq tólem birjolǵy áleýmettik járdemaqy – 42 500 teńge alý úshin tólendi. Sodan keıin vedomstvoaralyq komıssııa osy sanattaǵy adamdardy 42500 mólsherinde áleýmettik kómek alǵan kezeńderi úshin jarnalar tóleýden bosatý týraly sheshim qabyldady, ıaǵnı 42 500 alǵan aılarda azamattar jarna tóleýge mindetti emes», - deıdi Zabıra Orazalıeva.
