Azamatsha 8 myń teńge qaryzy úshin zeınetker keıýanany uryp óltirdi
ASTANA. 12 qazan. QazAqparat /Jasulan Amanbaıuly/ - Aqmola oblysynda 37 jastaǵy áıel 8 myń teńge qaryzy úshin zeınetker keıýanany uryp óltirdi. Bul týraly búgin baspasóz máslıhatynda QR ІІM-niń resmı ókili Nurdildá Oraz málim etti.
Zeınetkerdiń zorlyq-zombylyq belgileri bar máıiti qazan aıynyń bas kezinde, óz úıinde tabylǵan bolatyn. Paıdaqumarlyq maqsatta adam óltirgeni úshin jábirlenýshiniń aýyldasy 37 jastaǵy áıel adam ustaldy.
Kúdikti jábirlenýshiden buryn qaryzǵa 8 myń teńge alǵany anyqtaldy. Qaryzyn ýaqytynda qaıtara almaǵan ol jábirlenýshiniń úıinde qonaqta otyryp, urys-keris kezinde ony soqqyǵa jyqqan. Alǵan dene jaraqattarynan keıýana sol jerde til tartpastan kóz jumǵan. Qazirgi ýaqytta asa aýyr qylmys boıynsha qylmystyq is qozǵaldy.
