Azamat Satybaldy Qazaqfılm basshylyǵynan nege ketkenin aıtty

ASTANA. KAZINFORM — Azamat Satybaldy Sháken Aımanov atyndaǵy «Qazaqfılm» aktsıonerlik qoǵamynyń prezıdenti qyzmetinen nege ketip jatqanyn aıtty.

«Iá, ol ras aqparat. Dál qazir Qytaıda júrmin. Osynda bir jobaǵa shaqyrtý alǵanmyn. Oǵan qatysý biraz ýaqyt alatyn bolyp tur. Sol sebepten Qazaqfılmdegi qyzmetimnen ketý jóninde sheshim qabyldadym. Al bul jaqtaǵy jobanyń naqty qandaı joba ekenin ázirge aıta almaımyn. Ázirge konfıdentsıaldy aqparat. Aldaǵy kúnderi naqty resmı aqparat shyǵady. Sol kezde bilesizder», — dedi ol Kazinform tilshisine.

Sondaı-aq, ol Qazaqfılm basshylyǵynan ketýine «Qazaq anımatsııa» shyǵarmashylyq birlestigindegi jalaqy daýynyń qatysy joq ekenin aıtty.

«Ol daýdyń buǵan eshqandaı qatysy joq. Óz erkimmen ketip baramyn», — dep naqtylady akter.

Eske sala keteıik, buǵan deıin «Altyn adam» týyndysynyń anımatorlary jeti aıdan beri jalaqy almaǵanyn aıtyp, Qazaqfılm ǵımaratynyń aldynda narazylyqqa shyqqan bolatyn.

Keıinnen Qazaqfılm anımatorlardyń qordalanǵan aılyǵyn tólep beretinin málimdedi.