Azamat Qasymov Abaı oblysy ákiminiń keńesshisi bolyp taǵaıyndaldy

SEMEI. KAZINFORM – Abaı oblysy ákiminiń keńesshisi bolyp Azamat Qasymov taǵaıyndaldy.

Azamat Ábiluly 1985 jyly 8 tamyzda Semeı oblysynyń Abaı aýdanynda dúnıege kelgen. Ál-Farabı atyndaǵy Qazaq ulttyq ýnıversıtetin «jýrnalıstıka» mamandyǵy boıynsha bitirgen.

Eńbek jolyn 2005 jyly «Almaty aqshamy» gazetinde tilshi bolyp bastaǵan. 2009-2017 jyldary Shyǵys Qazaqstan oblystyq «Dıdar» gazetinde tilshi, sholýshy, rýhanııat bóliminiń meńgerýshisi, bas redaktordyń orynbasary boldy.

2017-2020 jyldary respýblıkalyq «Egemen Qazaqstan» gazetiniń Shyǵys Qazaqstan oblysyndaǵy menshikti tilshisi, 2020-2022 jyldary Shyǵys Qazaqstan oblystyq «Altaı» telearnasy qazaq redaktsııasynyń shef-redaktory, respýblıkalyq «Aıqyn» gazetiniń Shyǵys Qazaqstan oblysyndaǵy menshikti tilshisi, «Habar» agenttiginiń Shyǵys Qazaqstan oblysyndaǵy menshikti tilshisi bolyp eńbek etti.

2022 jyldan bastap osy ýaqytqa deıin «Habar» agenttiginiń Abaı oblysyndaǵy menshikti tilshisi qyzmetin atqarǵan.