Azamat Esqaraev shetelden aqsha alatyn adamdardyń derekteri jarııa bolýyna qatysty pikir bildirdi

Ádilet mınıstri Azamat Esqaraev Memlekettik kirister komıtetiniń shetelden aqsha alatyn adamdardyń JSN nómirin jarııa etýine oraı pikir bildirdi, dep habarlaıdy QazAqparat tilshisi.

«Memlekettik kirister komıtetiniń is-áreketine baǵa berýge ókiletti emespin. Bir bilerim, qoldanystaǵy salyq zańnamasyna sáıkes, sheteldik memleket tarapynan qarjy alatyn tulǵalarǵa qatysty aqparat jınaý tıisti jumys aıasynda júrgiziledi», - dedi Azamat Esqaraev zań jobalaý qyzmeti máseleleri boıynsha keńesten keıin BAQ ókilderiniń saýalyna oraı.

Onyń atap ótýinshe, elimizdiń zańnamasyna sáıkes, sheteldik memleket tarapynan qarjy alatyn tulǵalar salyq organdaryna tıisti esep berýi tıis.

«ıAǵnı, bizdiń zańnamamyzda bul naqty ári ashyq jazylǵan», - dedi Ádilet mınıstri.

Aıta keteıik, keshe memlekettik kirister komıteti bıylǵy birinshi jartyjyldyqta sheteldik kózderden aqsha nemese ózge de múlik alǵan tulǵalardyń tizimin jarııalaǵan edi.