Azamat Dúısembekov Qaýipsizdik Keńesi Apparatynyń Quqyq qorǵaý júıesi bóliminiń meńgerýshisi
ASTANA. KAZINFORM — Azamat Dúısembekov Qazaqstan Respýblıkasy Qaýipsizdik Keńesi Apparatynyń Quqyq qorǵaý júıesi bóliminiń meńgerýshisi laýazymyna taǵaıyndaldy. Bul týraly Aqorda habarlady.
– Memleket basshysynyń ókimimen Azamat Nurlanuly Dúısembekov Qazaqstan Respýblıkasy Qaýipsizdik Keńesi Apparatynyń Quqyq qorǵaý júıesi bóliminiń meńgerýshisi laýazymyna taǵaıyndaldy, - delingen habarlamada.
Azamat Dúısembekov 1980 jyly 17 naýryzda Jezqazǵan qalasynda dúnıege kelgen.
Novosıbırsk qalasyndaǵy fızıka-matematıka mektebin, Novosıbırsk memlekettik ýnıversıtetin, Reseı Federatsııasy Bas prokýratýrasynyń akademııasyn bitirgen.
Aǵa ádilet keńesshisi
ІІ dárejeli «Aıbyn» ordenimen, «Jaýyngerlik erligi úshin» medalimen marapattalǵan.
Úılengen, úsh balasy bar.
Mansap
Prokýratýra organdaryndaǵy qyzmetin 2003 jyly Qaraǵandy oblysy Balqash qalasy prokýrory kómekshisiniń mindetin atqarýshy laýazymynan bastady.
2005-2009 jyldar aralyǵynda Qaraǵandy oblysy, Astana qalasy prokýratýra organdarynda jáne Qazaqstan Respýblıkasynyń Bas prokýratýrasynda túrli laýazymdarda qyzmet atqardy.
2009-2018 jyldar aralyǵynda Qaraǵandy oblysy prokýratýrasy basqarmasynyń bastyǵynan bastap Qazaqstan Respýblıkasy Bas prokýratýrasynyń Qoǵamdyq múddelerdi qorǵaý qyzmetiniń basshysyna deıin – ortalyq apparattyń beıindi departamentterinde basshylyq laýazymdardy kezeń-kezeńimen atqardy.
2018–2019 jyldary – Aqtóbe oblysy prokýrorynyń birinshi orynbasary.
2019 jyldan 2025 jylǵa deıin Qazaqstan Respýblıkasy Qaýipsizdik Keńesinde qyzmet atqaryp, Quqyq qorǵaý júıesi bólimi meńgerýshisiniń orynbasary jáne meńgerýshisi laýazymdaryn dáıekti túrde atqardy.
2025-2026 jyldary Qazaqstan Respýblıkasy Qarjylyq monıtorıng agenttigi tóraǵasynyń keńesshisi laýazymyn atqardy.
2026 jylǵy aqpannan bastap Qazaqstan Respýblıkasy Bas prokýratýrasynyń Investorlardyń quqyqtaryn qorǵaý komıteti tóraǵasynyń orynbasary laýazymyn atqarady.
