Azamat Dáýletbekov Parıj Olımpıadasynda qola medal úshin kúrese almaıtyn boldy
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin jarysty erkin kúres balýandary bastaǵan bolatyn. Alǵashqy kúni el namysyn qorǵaǵan eki balýanymyz da jarysty aıaqtady.
Búgin 86 kelige deıingi salmaqta Qazaqstan komandasynyń kóshbasshysy Azamat Dáýletbekov Parıj Olımpıadasynyń jubanysh beldesýine qatysa almaıtyny belgili boldy.
Sebebi, otandasymyzdy birinshi beldesýinde utqan amerıkalyq balýan Aaron Markel Brýks fınalǵa shyǵa almady. Ol jartylaı fınalda Magomed Ramazanovtan (Bolgarııa) utylyp qaldy. Eger ol aqtyq synǵa shyqqanda Dáýletbekov qola medalǵa talasý múmkindigine ıe bolar edi.
Esterińizge sala keteıik, otandasymyz búgin alǵashqy beldesýinde AQSh balýany Aoron Brýksten 3:4 esebimen jeńilip qalǵan edi.
