Azamat Dáýletbekov alǵashqy beldesýinde AQSh balýanynan jeńilip qaldy

PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda búgin erkin kúres sheberleri jarysty bastady. 

Qazaqstandyq balýandardan birinshi bolyp bozkilemge 86 kelige deıingi salmaqta Azamat Dáýletbekov shyqty. Ol alǵashqy beldesýinde AQSh balýany Aoron Brýkspen kim myqtyny anyqtady. Ókinishke qaraı, asa tartysty ótken kezdesýde Dáýletbekov AQSh balýanynan 3:4 esebimen jeńilip qaldy. 

Sonymen qatar búgin erkin kúresten 57 keli salmaqta Meırambek Qartbaı el namysyn qorǵaıdy. Ol 1/8 fınalda Qyrǵyzstan balýany Bekzat Almaz ýýlmen kúresedi.

Eske sala keteıik, grek-rım kúresinen 77 kelige deıingi salmaqta baq synaǵan Demeý Jadyraev Parıj Olımpıadasynyń kúmis júldegeri atanǵan edi.

Aıta keteıik, ázirge Qazaqstan quramasynyń qorjynynda 1 altyn, 3 kúmis, 3 qola júlde bar.

Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.