Azamat Aıthojın Qazaqstan hokkeı federatsııasynyń bas dırektory boldy

ASTANA. KAZINFORM — Azamat Serikuly Aıthojın Qazaqstan hokkeı federatsııasynyń bas dırektory bolyp saılandy.

Bul sheshim federatsııanyń kezekten tys respýblıkalyq konferentsııasynda qabyldandy. 

Sport salasyndaǵy basqarýshylyq tájirıbesi mol Azamat Aıthojın birqatar uıym men vedomstvolarda sheshýshi qyzmetter atqardy. Onyń ishinde Astana qalasy týrızm jáne sport departamenti dene shynyqtyrý jáne sport basqarmasynyń sporttyq nysandar basshysy bolyp qyzmet etti. Ár jyldary «Astana» fýtbol klýbyn basqarǵan, sondaı-aq Qazaqstan fýtbol federatsııasynyń Vıtse-prezıdenti, Atqarýshy dırektory jáne bas hatshysy qyzmetin atqardy.

— Kópjyldyq tájirıbesi men sport salasyndaǵy kásibı biliktiliginiń joǵarylyǵy shaıbaly hokkeıdiń Qazaqstan Respýblıkasynda ári qaraıǵy damýy men nasıhattalýyna yqpal etedi, — dep jazylǵan habarlamada.

Sáken Musaıbekov ókilettiligi onyń «Barys» hokkeı klýbynyń bas dırektory qyzmetine taǵaıyndalýyna baılanysty merziminen buryn toqtatyldy.