Azamat Aıthojın «Astana» fýtbol klýbynyń prezıdenti boldy
ALMATY. 28 sáýir. QazAqparat - Búgin Astanada «Astana» fýtbol klýbynyń jańa prezıdenti - Azamat Serikuly Aıthojın tanystyryldy.
Klýbtyń baspasóz qyzmetinen málim etkendeı, A. Aıthojın 2003-2005 jyldary «Jeńis» fýtbol klýbyn basqardy. Ol jetekshilik jasaǵan jyldary astanalyqtar 2003 jyly Qazaqstan chempıonatynyń qola júldesin, 2005 jyly Qazaqstan kýbogyn jeńip aldy.
1980 jyldary «ıÝnost» balalar sport klýbynda fýtbolmen aınalysqan A.Aıthojın, kúsh qurylymdarynda jumys jasady. Alaıda aıaqdopqa qumarlyǵyn joǵaltpaı, «Baýyrym» atty áıýesqoı fýtbol klýbyn quryp, túrli týrnırlerge qatysqan. Odan keıin, ár jyldary Qajymuqan Muńaıtpasov atyndaǵy stadıondy basqardy, «Jeńis» fýtbol klýbynda jumys jasady, Astana qalasynyń dene shynyqtyrý jáne sport basqarmasyna jetekshilik etti. Sondaı-aq Týrızm jáne sport mınıstrliginiń Sport komıtetinde qyzmet jasap, «Astana Arena» sport kesheni men «Jastar» saraıynyń dırektory boldy.
