Azamat Ámrın ulttyq ekonomıka birinshi vıtse-mınıstri bolyp taǵaıyndaldy

ASTANA. KAZINFORM – Qazaqstan Respýblıkasy Úkimetiniń qaýlysymen Azamat Kemengeruly Ámrın Qazaqstan Respýblıkasynyń ulttyq ekonomıka birinshi vıtse-mınıstri qyzmetine taǵaıyndaldy. Bul týraly Úkimettiń Baspasóz qyzmeti habarlady.

1973 jyly Soltústik Qazaqstan oblysynda dúnıege kelgen. Aqmola aýyl sharýashylyǵy ınstıtýtyn, M. Qozybaev atyndaǵy Soltústik Qazaqstan memlekettik ýnıversıtetin bitirgen.

Eńbek jolyn 1989 jyly Korneev keńsharynda jumysshy bolyp bastaǵan.

1997 jyldan 2008 jylǵa deıin Soltústik Qazaqstan oblysy Salyq komıtetinde túrli laýazymdarda qyzmet atqardy.

2008–2011 jyldary — SQO Shal aqyn aýdanynyń ákimi

2011–2012 jyldary — «Amrın K. K.» sharýa qojalyǵynyń menedjeri

2013–2020 jyldary — QR Ulttyq ekonomıka mınıstrligi Salyq jáne keden saıasaty departamenti dırektorynyń orynbasary, dırektory.

2020 jyldan bastap qazirgi ýaqytqa deıin — QR ulttyq ekonomıka vıtse-mınıstri.