Azamat Ámrın: Salyq kodeksinde sán-saltanat salyǵy degen salyq túri bolmaıdy

ASTANA. KAZINFORM — Ulttyq ekonomıka mınıstriniń birinshi orynbasary Azamat Ámrın Senatta ótken dóńgelek ústelden keıin ótken baspasóz máslıhatynda Májiliste jatqan Salyq kodeksiniń jańa redaktsııasynda sán-saltanat salyǵy qalaı esepteletinin aıtty.

Жаңа Салық кодекс
Коллаж: Kazinform

— Sán-saltanat salyǵy deıtin bólek salyq bolmaıdy. Jekelegen salyq nysandaryna joǵary salyq mólsherlemeleri bolady. Mysaly, qymbat alkogolge joǵary salyq mólsherlemesi bolady. Eger bir qutysynyń baǵasy 5 mln teńgeden asatyn konıak kedennen ishke ótken bolsa, onyń alyp ótip, deklaratsııalaǵan jeke tulǵaǵa konıaq qunynyń 10 paıyzy kóleminde qosymsha salyq qosylady. Qazir ondaı ónimge 470 teńge kóleminde ǵana salyq salynady. Sonda endi osyǵan qosymsha aktsız qosylady degen sóz. Qymbat shylymǵa da aktsız bolady. Al syrttan kelgen kóliktiń baǵasy 100 myń dollardan joǵary bolsa, taǵy da baǵasynyń 10 paıyzy kóleminde aktsız alynady, — dedi ol.

Azamat Ámrın birneshe múlki bar adamdardyń salyǵy da artanyn aıtty.

— Birneshe qymbat kólik kirgizse, sanyna qaraı aktsız mólsherlemesi de óse beredi. Múlik salyǵyna kelsek, múlikterdiń qunyn qosyp eseptep, sol somaǵa salyq esepteımiz. Mysaly, bir páterdiń quny 25 mln teńge boldy deıik. Oǵan qazir qunynyń 0,1 paıyzy kóleminde salyq salynady. Al 5 páter bolsa, báriniń baǵasyn qosyp, qorytyndysy somanyń 1 paıyzy kóleminde salyq esepteledi. Sonda qazirgiden 10 ese joǵary bolady degen sóz, — dedi vıtse-mınıstr.

Eske salsaq, 15 naýryzda Memleket basshysy jańa Bıýdjet kodeksine qol qoıǵan edi. 

Сейчас читают