Azamat Aǵeleýov BQO memlekettik sáýlet-qurylys baqylaýy basqarmasyna basshy boldy

QR Memlekettik qyzmet isteri agenttiginiń kelisimi boıynsha, oblys ákiminiń ókimimen Azamat Muratuly Aǵeleýov Batys Qazaqstan oblysynyń memlekettik sáýlet-qurylys baqylaýy basqarmasynyń basshysy laýazymyna taǵaıyndaldy, dep habarlaıdy Kazinform.

BQO ákiminiń baspasóz qyzmetinen málim etkendeı, Azamat Aǵeleýov 1980 jyly dúnıege kelgen.

Bilimi joǵary. Batys Qazaqstan memlekettik ýnıversıtetin ekonomıka jáne menedjment, Batys Qazaqstan ınjenerlik-tehnologııalyq ýnıversıtetin qurylys mamandyǵy boıynsha bitirgen.

Ár jyldary Oral qalasy turǵyn úı-kommýnaldyq sharýashylyǵy, jolaýshy kóligi jáne avtomobıl joldary bólimi bastyǵynyń orynbasary, Atyraý oblysynyń tótenshe jaǵdaılar departamenti qarjy basqarmasynyń bastyǵy, Oral qalasy qurylys bóliminiń bastyǵy boldy.

Sondaı-aq Oral qalasy turǵyn úı-kommýnaldyq sharýashylyǵy, jolaýshy kóligi jáne avtomobıl joldary bóliminiń bastyǵy, BQO qurylys basqarmasy bastyǵynyń orynbasary, Bórli aýdany ákiminiń orynbasary, «Embimunaıgaz» AQ ınvestıtsııalyq taldaý departamentiniń aǵa taldaýshysy, «Altım» qurylys fırmasy» JShS bas dırektory bolyp jumys istedi.

Taǵaıyndaýǵa deıin «Samruk-Kazyna Construction» AQ ulttyq jobany iske asyrý jáne óńirlik damý departamentiniń óńirlik joba basshysy qyzmetin atqardy.

Eske sala keteıik, budan buryn Asylbek Dúısenovtiń BQO boıynsha ekonomıkalyq tergep-tekserý departamentin basqaratynyn jazǵan bolatynbyz.