Azamat Ábdiraımov Qazaqstannyń Fınlıandııadaǵy Elshisi boldy

ASTANA. Memleket basshysynyń Jarlyǵymen Azamat Sábıtuly Ábdiraımov Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti Elshisi laýazymyna taǵaıyndaldy. Al, buǵan deıin osy qyzmette bolǵan Janna Sábıtqyzy Sartbaeva Memleket basshysynyń Jarlyǵymen laýazymynan bosatyldy. Bul týraly Aqordanyń baspasóz qyzmeti habarlady. 

Azamat Sábıtuly Ábdiraımov 1983 jyly 15 qańtarda Almaty qalasynda dúnıege kelgen.

2003 jyly Qazaq gýmanıtarlyq zań ýnıversıtetin «quqyqtaný» mamandyǵy boıynsha bitirgen, 2005 jyly halyqaralyq qatynastar magıstri retinde Qazaqstan Respýblıkasy Syrtqy ister mınıstrliginiń Dıplomatııalyq Akademııasynda bilim alǵan.

Eńbek jolyn 2005 jyly QR SІM TMD isteri departamentiniń úshinshi hatshysy bolyp bastady. Odan ári osy departamentte ekinshi hatshy laýazymynda jumys istedi.

2007 jyly Italııa Respýblıkasyndaǵy QR Elshiligine úshinshi hatshy retinde jiberildi. 2009-2011 jyldar aralyǵynda QR SІM TMD departamentinde birinshi hatshy bolyp jumys istedi.

2010-2011 jyldary – QR Qaýipsizdik Keńesiniń taldaý bóliminiń sarapshysy, sektor meńgerýshisi boldy. 2011-2015 jyldary – Ispanııa Koroldigindegi QR Elshiliginiń birinshi hatshysy retinde jiberilip, onda keńesshi laýazymyna deıin kóterildi.

2015-2016 jyldary QR SІM EKSPO-2017 Hatshylyǵy basshysynyń orynbasary boldy.

2016-2018 jyldary – QR SІM EKSPO-2017 hatshylyǵynyń basshysy qyzmetin atqarǵan.

2018 jyly Kanadadaǵy QR Elshiliginiń keńesshi-ýákili qyzmetin atqardy.

2019-2023 jyldary San-Frantsısko qalasynda (AQSh) Qazaqstan Respýblıkasynyń Bas konsýly boldy. Qazaqstannyń Fınlıandııadaǵy Elshisi laýazymyna taǵaıyndalǵanǵa deıin 2023 jylǵy qazannan bastap QR SІM Memlekettik protokol qyzmeti basshysynyń orynbasary bolǵan.

І synypty Keńesshi dıplomatııalyq dárejesi bar. Ispan, aǵylshyn jáne ıtalıan tilderin meńgergen.