AZAL ushaǵy syrtqy obektiler áserinen zaqymdanǵan – mınıstrlik esebi
ASTANA. KAZINFORM — Aqtaý mańyna qulaǵan ushaqty tesip ótken zaqymdar konstrýktsııaǵa syrtqy obektilerdiń engenin kórsetedi. Bul týraly QR Kólik mınıstrligi jarııalaǵan ushaq apaty boıynsha tergeý qorytyndylarynyń esebinde aıtylǵan, dep habarlaıdy Kazinform agenttigi.
– Ásirese, tesip ótken zaqymdardyń kóp bóligi kıl men turaqtandyrǵyshtan tabyldy. Kózben sholyp-tekserý keıbir zaqymdardyń tolyq tesip ótkenin, al basqalary biteý nemese tesip ótpegen zaqymdar ekenin anyqtady, – dep jazylǵan esepte.
Atap ótilgendeı, tergeý komıssııasy Brazılııa Federatıvtik Respýblıkasynyń, Ázerbaıjan Respýblıkasynyń jáne Qazaqstan Respýblıkasynyń quqyq qorǵaý organdarynyń ýákiletti ókilderiniń qatysýymen zaqymdarda saqtalýy múmkin bógde obektilerdi alý sharalaryn júrgizdi jáne olardy qosymsha sot saraptamasyna jiberedi. Bul jumystar nátıjesinde zaqymdanǵan ushaqtan kóptegen bógde zat alynǵan.
Aıta keteıik, QR Kólik mınıstrligi Aqtaý mańyndaǵy ushaq apatynyń aldyn ala esebin jarııalady.
Buǵan deıin ushaq apatynyń mınýttar boıynsha hronologııasyn jarııalaǵan edik.
Sondaı-aq, AZAL ushaǵynyń jerge soqtyǵyspaı jatyp, gıdravlıkalyq júıeleri zaqymdanǵanyn aıǵaqtaıtyn sýretter jarııalandy.