AZAL ushaǵynyń gıdravlıkalyq júıeleri zaqymdanǵanyn aıǵaqtaıtyn sýretter jarııalandy
ASTANA. KAZINFORM — Aqtaý mańyndaǵy ushaq apaty boıynsha aldyn ala tergeý esebinde ushaqtyń jerge qulaǵansha 1, 2 jáne 3 gıdravlıkalyq júıeleri zaqymdanǵanyn aıǵaqtaıtyn fotosýretter men grafıkter kórsetilgen. Bul týraly Kazinform agenttigi QR Kólik mınıstrligine silteme jasap habarlaıdy.
Qujatta atap ótilgendeı, olar áýe kemesiniń komponentterine engen syrtqy nysandardan týyndaýy múmkin.
Bul zaqymdanýdyń saldarynan gıdravlıkalyq suıyqtyq/qysym joǵalady.
Aıta keteıik, QR Kólik mınıstrligi Aqtaý mańyndaǵy ushaq apatynyń aldyn ala esebin jarııalady.
Buǵan deıin ushaq apatynyń mınýttar boıynsha hronologııasyn jarııalaǵan edik.
Aıta keteıik, 25 jeltoqsanda Aqtaý mańynda Bakýden Groznyıǵa baǵyt alǵan AZAL jolaýshylar ushaǵy apatqa ushyraǵan bolatyn.
Bortta 67 adam, onyń ishinde bes ekıpaj múshesi bolǵan. Apat saldarynan 38 jolaýshy qaza taýyp, 29 adam aman qalǵan edi.
Ushaq apatyna baılanysty Reseıde, Qazaqstanda jáne Ázerbaıjanda qylmystyq is qozǵalǵan edi.
Buǵan deıin Brazılııa Áskerı-áýe kúshteriniń Áýe apattaryn zertteý ortalyǵynyń (Cenipa) mamandary AZAL áýe kompanııasynyń apatqa ushyraǵan Embraer 190 ushaǵynyń qara jáshigin taldaýǵa kiriskenin habarlaǵan bolatyn.
Qazaqstan Respýblıkasy Kólik vıtse-mınıstri Talǵat Lastaev áýe apatyn tergeýdiń aldyn ala qorytyndysy qashan belgili bolatynyn aıtty.
30 jeltoqsanda Halyqaralyq áýe kóligi qaýymdastyǵy (IATA) oqıǵany jan-jaqty jáne beıtarap tergeýge shaqyrdy.
Jaqynda Kólik mınıstrligi Aqtaý mańyndaǵy ushaq apatyna qatysty málimdeme jasaǵan edi.