AZAL Baký-Qazan baǵytyndaǵy reısin toqtatty

ASTANA.KAZINFORM - Azerbaijan Airlines (AZAL) 8 qańtarǵa josparlanǵan Baký-Qazan-Baký reısin toqtatty, dep jazady Trend.

– Bul sheshim Qazan ústinen áýe keńistigin jabýǵa baılanysty qabyldandy. AZAL ushý qaýipsizdigine basymdyq beredi jáne halyqaralyq standarttardy qatań saqtaıdy, - dep habarlady AZAL.

Esterińizge sala keteıik, 25 jeltoqsanda Aqtaý mańynda ushaq apaty bolyp, Baký-Groznyı reısin oryndaǵan AZAL jolaýshylar ushaǵy apatqa ushyraǵan bolatyn. Bortta 67 adam, onyń ishinde bes ekıpaj múshesi bolǵan. Apat saldarynan 38 jolaýshy qaza taýyp, 29 adam aman qaldy.

Reseı prezıdenti Vladımır Pýtın Reseı áýe keńistiginde bolǵan qaıǵyly oqıǵaǵa baılanysty Ázerbaıjan prezıdenti Ilham Álıevten keshirim surady.

28 jeltoqsanda birqatar áýe kompanııalary Reseı baǵytyndaǵy reısterin toqtatty: Kazakh Qazaq Air, Izraıldiń El Al jáne Azerbaijan Airlines jáne Turkmen Airlines.

Qazaqstan Respýblıkasy Kólik vıtse-mınıstri Talǵat Lastaev QazAqparat tilshisine ushaq apatyna qatysty tergeýdiń aldyn ala qorytyndysy qashan belgili bolatynyn aıtty.

30 jeltoqsanda Halyqaralyq áýe kóligi qaýymdastyǵy (IATA) oqıǵany jan-jaqty jáne beıtarap tergeýge shaqyrdy.

Brazılııa Áskerı-áýe kúshteriniń ushaq apatyn zertteý jáne habarlaý ortalyǵy Ázerbaıjan Áýe joldary (AZAL) ushaǵynyń ushý jazbalaryn (qara jáshikter) tekserýdi aıaqtady.

Jaqyn kúnderi Astanada AZAL ushaǵynyń qara jáshigindegi aqparattardy zertteý bastalady.