Az uıqy oılaý jyldamdyǵyn tejeıdi
ASTANA. 28 qazan. QazAqparat - Asyǵys zamanda ýaqyttyń quny joǵary. Ony únemdeý maqsatynda talaı paıdaly isterden bas tartyp, bar ýaqytymyz ben kúshimizdi jumysqa beremiz. Alaıda ǵalymdar uıqyǵa qajetti ýaqyt bólmeıtinder jumysta sátsiz bolatynyn dáleldedi, dep jazady massaget.kz.
Árqaısymyz da múmkindigimizshe az ýaqyt uıyqtap, bos ýaqytty paıdaly sharýalarǵa qurtýǵa tyrysamyz. Biraq uıqynyń azdyǵy jumystaǵy nátıjelilikke tikeleı qatysty eken.
Bostondyq ǵalymdarynyń aıtýynsha, uıqyńyzdyń qanǵanyn seziný onyń qajetti mólsheriniń kórsetkishi emes eken. Uzaǵyraq uıyqtaǵan saıyn, siz belsendi, eńbekqor, túrli jaǵdaılarda tez sheshim taba alatyn adam bolasyz.
"Bizdiń ǵalymdar toby uıqynyń azdyǵy áýe kóligin basqarý, elektrostantsııadaǵy mehanızmderdi baqylaý jáne basqa da qıyn jumystardy oryndaýǵa qalaı áser etetinin zerttedi. Bundaı jumys túrleri jadynyń qaıta, tez kodtalýyn, vızýaldy aqparatty izdeý, sheshimder qabyldaýdy talap etedi. Al az uıyqtaǵan saıyn, bul qasıetter azaıady", - dep pikirin aıtty zertteý avtory Janna Daffı.
Bir aı boıy ǵalymdar 12 adamdy baqylaýǵa aldy. Birinshi aptada olarǵa 10-12 saǵat uıyqtaýǵa ruqsat etildi. Al kelesi 3 apta boıy olar kúndelikti tek 5,5 saǵat uıyqtap júrdi.
Adamdar az uıyqtaǵan kúnderi óz jumysyn baıaý oryndaǵan. Ýaqyt óte kele, jumysshylar bul uıqy tártibine úırenip, az uıyqtaǵandaryna esh shaǵymdanbaǵan. Zertteý adamnyń uıqysy qanǵandyǵyn, nátıjesinde óziniń eńbekke jaramdylyǵyn da baǵalaı almaıtyndyǵyn kórsetti.
Adam az uıyqtaǵan saıyn onyń eńbekke jaramdylyǵy azaıady. Uıqynyń azdyǵy oılaý jyldamdyǵyn kemitedi eken.
