Áz-Naýryz meıramynda elordalyq ájeler men atalar boz kilemde beldespek
ASTANA. 21 naýryz. QazAqparat - Erteń elordanyń «Qazaq eli» monýmenti aldynda Naýryz meıramyna arnalǵan teatrlandyrylǵan kórinis jáne merekelik kontsert ótpek.
Eń qyzyǵy, meıramnyń basty sharasynyń baǵdarlamasy aıasynda qazaqtyń ulttyq saıysy «qazaqsha kúresten» boz kilemge etek-jeńin túrip, ájelerimiz ben atalarymyz da shyqpaq. Sonymen qatar dál osy kúni uıymdastyrylatyn túrli sporttyq sharalardyń qatarynda qoshqar kóterý saıysy da bar. Budan bólek, buqa tartys, arqan tartý, asyq atý, qazaq kúresi, nysana atý, shahmat, toǵyzqumalaq, kir tasyn kóterý, armrestlıng jarystary da qyzyqqa toly bolmaq.
Aıta keteıik, dál osyndaı sporttyq sharalar «Han shatyr» saýda oıyn-saýyq ortalyǵynyń, ákimdiktiń, «Stýdentter» saıabaǵynyń alańdarynda da ótedi.
