Aıjan Ysqaqova «Bókeıorda» rezervaty nege qurylmaǵanyn surap, Úkimetke saýal joldady
NUR-SULTAN. QazAqparat – Májilis depýtaty Aıjan Ysqaqova Batys Qazaqstan oblysynda «Bókeıorda» memlekettik tabıǵı rezervatyn qurý jobasy nege toqtap qalǵanyn surap, Úkimetke saýal joldady, dep habarlaıdy QazAqparat.
Úkimet basshysynyń orynbasary Eraly Toǵjanovtyń atyna joldanǵan saýalda Bókeıordanyń ekologııalyq ahýaly sóz bolǵan.
Májilismen Batys Qazaqstan oblysynda «Bókeıorda» memlekettik tabıǵı rezervatyn qurý jobasy aıaqsyz qalǵanyna alańdaýly. Ol rezervat qurý arqyly Batys Qazaqstanda joıylyp bara jatqan 9 túrli sútqorektiniń, sonyń ishinde Jaıyq kıikteriniń popýlıatsııasyn saqtaýǵa bolatyn edi dep otyr.
«Bókeıorda» memlekettik tabıǵı rezervatyn qurýdyń tehnıkalyq-ekonomıkalyq negizdemesin daıyndaý jónindegi is-sharalar QR Úkimetiniń 2010 jylǵy 10 qyrkúıektegi № 924 qaýlysymen bekitilgen. 2010-2014 jyldarǵa arnalǵan «Jasyl damý» salalyq baǵdarlamasyna engizildi. Alaıda, tabıǵı rezervat qurýǵa baǵyttalǵan is-sharalar belgisiz sebeptermen toqtatyldy. Ekologııa, geologııa jáne tabıǵı resýrstar mınıstrliginiń 2021-2023 jyldarǵa arnalǵan bıýdjettik baǵdarlamasynda da bul jumysty qarjylandyrý qarastyrylmaǵan» - deıdi depýtat.
Májilismenniń málimetine sensek, irgedegi Reseıdiń Volgograd oblysynda qysqa merzimde ıÝNESKO-nyń kómegimen «Elton kóli» bıosferalyq rezervaty qurylyp, jumysqa kirisken.
Reseı tarapy endi Qazaqstanǵa ıÝNESKO aıasynda Batys Qazaqstan oblysynda men Volgograd oblystarynda transshekaralyq bıosferalyq tabıǵı rezervat qurý jobasyn usynyp otyr.
«Joǵaryda aıtylǵandardy eskere otyryp, Qazaqstan halyq partııasynyń depýtattary «Bókeıorda» memlekettik tabıǵı rezervatyn qurýdy aıaqtap, qajetti bıýdjet qarajatyn qarastyrý kerek dep sanaıdy», - delingen depýtattyq saýalda.
